ചാഞ്ചാടുണ്ണി ചരിഞ്ഞാട്

ചാഞ്ചാടുണ്ണി ചരിഞ്ഞാട് ചാഞ്ചാടുണ്ണി ചരിഞ്ഞാട്
എന്റെ മനസിലെ തെന്മാവില്‍ കൊമ്പിലെ-
പോന്നൂഞാലിലും ചാഞ്ചാട്
തഞ്ചത്തില്‍ താളത്തില്‍ ചാഞ്ചാട്
ഗുരുവായൂരമ്പാടി കണ്ണാ.......(ചാഞ്ചാടുണ്ണി)

അവതാരകഥയില് മുല്ലപ്പൂ ചുറ്റുന്ന
അഴകോടെ കണ്ണാ ചാഞ്ചാട്
പൊന്നിന്‍ കിങ്ങിണി കിഴിയുന്ന ചേലില്
പീലിത്തിരുമുടി ചായുന്ന ചേലില്
ഗോരോചനക്കുറി മായുന്ന ചേലില്
പട്ടുടയാട കിഴിയുന്ന ചേലില്
ആടാട് - കണ്ണാ ചാഞ്ചാട്.....(ചാഞ്ചാടുണ്ണി)

കരുണചെയ്യാനെന്തു താമസം കൃഷ്ണാ...
കരയുന്നോരടിയന്റെ ഹൃത്തിലും ചാഞ്ചാട്
നല്‍കുറൂരമ്മക്ക്‌ കാണാനും
മേല്‍പ്പത്തൂരിന് പകര്‍ത്താനും
പൂന്താനത്തിന് പാടാനും പണ്ട് നീയാടിയ പോലെയാട്
ചാഞ്ചാട് കണ്ണാ ചാഞ്ചാട് .....(ചാഞ്ചാടുണ്ണി)